Оқушылар сарайында «Ұлт мақтанышы» жобасы аясында Петропавл қаласының мектеп оқушылары табысты адамдармен, қаламыздың және Солтүстік Қазақстан облысының көшбасшыларымен кездесулері жалғасуда.
Бүгін, 2024 жылғы 5 сәуірде «Бухонин&Ко» ЖШС директоры, «Манаш Қозыбаев атындағы Солтүстік Қазақстан университеті» КЕАҚ оқытушысы Иван Игоревич Бухонинмен сайттар мен web-қосымшаларды ілгерілету және әзірлеу бойынша кездесу өтті.
«Журналистика және медиатехнология» үйірмесінің жас журналистерімен диалог барысында Иван Игоревич бірқатар сұрақтарға жауап беріп, табыс формуласымен бөлісті, сондай-ақ балаларды кітап оқудың маңыздылығына бағыттады. Біздің қонағымыз өзінің алғашқы табысын қалай тапқаны, еңбектің маңыздылығы және қызмет көрсету саласының қызметкерлеріне құрмет көрсету, қаражатты үнемдеу және оларды инвестициялау, стартаптардың өзектілігі және тағы басқалар туралы айтып берді.
Іс-шара қонағымен кездесу қатысушылардың арасында үлкен қызығушылық тудырды, олар өздерін қызықтырған сұрақтарын қойды. Кездесу соңында Иван Игоревич қатысушылармен бірге кеңестік «Кино» рок-тобының – «Звезда по имени солнце» атты әнін орындады.
Жоба аясында келесі кездесу 2024 жылғы 3 мамырға жоспарланды
