Жеңісіңізбен құттықтаймыз!
2024 жылғы 27 қыркүйек күні қашықтық форматында өткен “Бояулар құпиясы” Республикалық жас суретшілер байқауының қорытындысы шығарылды. Байқау міндеттерінің бірі жас суретшілердің эстетикалық, гуманистік және патриоттық сезімдерін, әлемдік және отандық көркем мәдениет дәстүрлеріне жеке қызығушылықтарын тәрбиелеу болды. 63 мың баланың 120-сы ғана облыстық кезеңдердің жеңімпазы атанды-бұл жалпы орта және қосымша білім беру ұйымдарының 10-17 жас аралығындағы оқушылары. Республикалық кезеңнің жеңімпаздары небәрі 17 жас суретші болды. Байқау қазылар алқасы жас суретшілердің жоғары шығармашылық әлеуетін және орындалған жұмыстардың сапасын атап өтті. Оқушылар сарайының көркемөнер мектебінің оқушысы Адель Тілеубаева бірінші орынды және Жеңімпаз дипломын жеңіп алды, Дильназ Төлегенова, София Черненко және Айзара Казизтай қатысушылар сертификаттарына ие болды. Көркемөнер мектебінің педагогі Елена Салаудиновна Сафинова алғыс хатпен марапатталды.
