(KZ) Оқушылар сарайында Қазақстанның еңбек сіңірген қайраткері, белгілі журналист — Жарасбай Қабдоллаұлы Сүлейменовпен ерекше кездесу өтті.
Жарасбай Қабдоллаұлы өзінің өмір жолы, қоғамға қосқан үлесі жайлы әсерлі әңгіме айтып, журналистиканың қызығы мен қиындықтарын бөлісті.
Кездесуге әл-Фараби атындағы Қанат Шахматов мектеп-лицейі, Сафуан Шаймерденов атындағы қалалық классикалық гимназия, Қожаберген Жырау атындағы №6 орта мектеп және Білім-Инновация лицейінен оқушылар қатысты. Оларға журналисттің өмірі мен кәсібінің құпиялары қызықты болды. Белсенділік танытқан оқушыларға Жарасбай Қабдоллаұлы өзінің жазған кітаптарын сыйға тартты. Кездесу соңында қонағымызға “Ұлт мақтанышы” сыйы табысталды.